假假假，奧運會開幕禮都要假 !

今日睇明報頭版要聞講八月八日奧運會開幕禮被外國傳媒踢爆做假，話說一開場唱歌果位好kawai的小妹妹林妙可原來係有人幫佢代唱 !! 中國官方仲解釋話係基於"國家利益"，雖然楊沛宜小妹妹唱得好，但就嫌個樣唔得。跟住又話電視睇到開幕禮外的煙花原來只係CG加上去 !

查實楊沛宜小妹妹唔靚咩 ? 對我黎講小朋友六七八歲個個都係咁可愛，個個都presentable ! 由此可以睇到上面班大陸官員的思維，個個都流於表面，只重外表。呢班狗官貪官個腦諗D野真係金玉其外，敗絮其中。見到呢單新聞令我諗起幾個月前，北京城內外，為左迎接奧運，好多好有歷史價值的四合院、老胡同都要比人拆卸，拆唔走果D，搞笑啦，佢地會好似牆紙咁貼塊木版係出面，令外邊睇上去好新凈，但其實入面有D係爛地，有D係殘破不坎的四合院。


我覺得用楊沛宜無問題喎，樣子幾傻幾天真，就好似一位鄰家的小女孩一樣；相反林妙可係靚，好可愛，不過星味太重，太不現實啦。