世界是平的 x Go!Go!芬蘭 x 註冊中‧醫師 x 無憂理財7堂必修課

呢兩個星期連續好幾晚睇緊幾本書，分別是<世界是平的>、Go Go 芬蘭、<註冊中‧醫師>及<無憂理財7堂必修課>。

第一本書<世界是平的>花左我成個幾星期先睇完，佢成本書主要講最近十幾年的全球化、無國界化之成因以及對個人、企業、社會同國家的影響。我覺得本書最多料、最精彩係第二、四、九同第十章。好似第二章，作者列出全球化十大成因，例如海外生產、outsourcing、insourcing、Google、Supply Chain management、open source 等。當中比較有趣係以UPS作為 insourcing的例子。睇完先知原來有唔少公司唔單子搵 UPS 送貨，有些更會將非核心業務經過授權認證後外判比佢地好似做維修保養等的工作。而第四章講的係引用好幾個政府、企業案例說明當工序可以全球化、無國界化地外判後，對於個人、當地居民、企業之矛盾、影響同反思。第九章主要講中國係近十幾年作為世界工廠後，對其他曾以勞工密集為主要出口的發展中國家之影響。最後第十章係講企業致勝七大法則。睇完成本書，資料算多，非常充實，不過有幾點想講下。可能作者係美國人的關係，有好幾個 Chapter 講的都是美國現況，講講下又去到 911、恐怖主意及批評 Bush administration，我覺得幾悶。另外，作者有大約一半係以IT發展同業務作為世界是平的例證，仲有就係佢不斷地不斷地引用印度班加洛 IT 服務業做例子，感覺太挾窄同 redundant 啦。下面三本好書係我末睇<世界是平的>之前睇過的，作為呢本書之後的延伸閱讀係唔錯的選擇，而三本書入面，我又覺得<一件T恤的全球經濟之旅>是不容錯過，書中對國與國之間的貿易、關係、外交有不同層次的分析。

延伸閱讀:
維基經濟學 Wikinomics
一件T恤的全球經濟之旅
Google 與百度


芬蘭, 北歐國家, Nokia 總公司之所在，一個稅律好高的國家(50%)。成本書圖多過字，我印象最深刻的係芬蘭的日常用品，同香港的日常用品相比，例如牛奶、芝士、罐頭等，芬蘭果D無論係包裝、色彩同圖案都係非常之 sharp同 colourful，感覺好 creative 同 fresh ! 如果本書可以加多少少芬蘭的歷史同風景，咁就更加好啦。


















<註冊中‧醫師>: 我發覺我都幾鍾意睇關於不同行業的書本，而呢本<註冊中‧醫師>係講一位讀緊中醫的學生的所見所聞。本書不過不失，不過我就覺得關於中醫的餡少左D，好多時都係寫作者的感想。不過本書有一樣我唔喜歡的係作者最後一篇似近乎"乞膠"的語調叫人比D機會佢地D大學中醫畢業生。我就覺得咁，作者作為一位專業人士，咁樣"乞膠"法實在有點難睇。每個行業有佢自已的難處，當日你選科果陣就應該知係香港 practice 一定唔易，好老土咁講"機會唔係人地比，係要自己爭取的"。好似作者出書講下中醫其實係一個唔錯的 promotion。除左中醫，我之前都睇過有關不同職業的小書，下面果10本書都係幾好的輕鬆小品。




延伸閱讀:
師姐未出更 : 廿七周學堂特訓事件簿
新紮師姐行咇事件簿
女水警航海日誌
三萬呎高空上的XX系列 (四本)
起死回生 : 急救現場的故事
白色巨塔裡的天使 : 急症室護士事件簿
金的法庭故事──39宗訴訟個案


<無憂理財7堂必修課>: 可能之前睇過唔少同類型的書，呢本同上兩個月之前睇過的<慳出你的第一桶金>入面講概野差唔多一樣，都係叫你點樣做 saving、教您 value investment同保險理財。