YC's Blog: 10月 2008

2008年10月30日星期四

狼圖騰

感冒好轉後又開始睇書，今次係"狼圖騰"。

本來應該睇完先寫下感想，不過睇到今日為止已經超過一半，書比我的感覺非常清新，除左有草原狼的多角度描寫: 從陣陣於書中的認知、生死存亡於一線親身經歷，到畢格利老人的五、六十年與狼的生活體驗及他口耳相傳的神畫傳說，到後來的人狼草原大戰，又有草原生活的種種細緻點滴，好似養馬、養羊、養牛同養狗技巧，又有蒙古包中的日常飲食，蒙古男人與女人的刻苦人生，更有當地人的生養死葬的儀式同禁忌等。

本書以文革做背景，講率一個知青被派去內蒙放羊期間，由觀測蒙古狼、大草原、蒙古人開始及至對中華上下五千年的歷史、政治變化、人文數質以及大自然環境所作的反省同批評。雖然只讀到書中的一半，不過我對陣陣痛斥中國人千多年的積弱及楊克對國人為經濟發展而對大自然破壞的描述非常深刻......寫住咁多先。

呢個post三張圖都係 google 上搵的，下面果張比我搵到草原狼 !!真係好大隻，不過就咁樣睇似 fox多D喎。

之後又比我搵到張好狼圖騰cute版書面。

9up 完，繼續睇書。

PC gamez

最近幾日好似多左好多 PC game 出版，好似有 far cry2 (呢隻好悶，玩左一兩個鐘來來去去D task 都係差唔多，仲要次次渣車都玩到好頭暈，前後約三個鐘就 uninstall 左)，之後又有 fallout3 (尋晚臨訓前 installed 左，未有時間玩)，今有又出左 red alert 3 (屋企部機 remote downloading 緊)。

2008年10月28日星期二

使用 Emule 的一個小技巧

有使用 emule 的朋友都覺得近一兩年愈來愈難連接 emule server，因為好多外國盧仔 server 都因當地的新立法被迫關閉，再加上很多 antip2p 制造 fake server，令每次連接 emule 都要用好多時間或甚 time out。前兩日因為要上 emule 搵一個 file，無意間給我發現一個可以快速增加Kad網路檔案來源數及連線的方法:

以下的內容轉自 verycd 的一遍教學:

http://board.verycd.com/t479828.html

這是2005年由Cyndi放出至今的好友名單，應用於Kad，一直沒完檔，未來也不會。與其一直追蹤存活伺服器，不如增加這項多一個保障。這個檔案無非是在Kad彼此聯繫與速度，在出現當時的確存有見仁見智看法，目前此時此刻不可同日而語。

File name: Cyndi-Connect.tmp
File type:
Size: 9.414 MB
Downloaded: 140.113 KB
Transferred: 0 位元組 (0 位元組)
Requested: 2 (18289)
Accepted Requests: 0 (1897)
Total sources: 53
Available sources : 0
No Needed Part sources: 53
Complete sources: 0 (0)

ed2k://|file|Cyndi-Connect.tmp|9871476|9E3A905292B7AE6A2E2110DFC061779B|/

使用方法：將上述eD2K連結複製，開啟eMule，點擊工具中的貼上eD2K連結下載(或直接點擊下載)，eMule會開始下載這檔，目的是擁有「正在下載」此檔的Kad用戶名單，而非檔案內容(反正不會有完檔的可能，頂多下載至104.11KB)，適用於連結Kad使用者，目前單就Kad搜尋已經很夠用了。

2008年10月27日星期一

IE 繁體簡體轉換

Firefox 有一個 plug-in 叫同文堂，佢可以自由轉換網頁上的繁簡體字，其實 IE 亦有個 Microsoft 官方出品的 add-on可以做到同文堂的功能。個add-on的 size 只是 206KB，裝好後，只要係網頁選空白處上右 click，就會發現兩個新的選項 :轉換成繁體及轉換成簡體。對於習慣使用 IE又常接觸簡體網頁的人，這個 add-on 非常好用 ! 若再加上ie7pro 的ad block 功能，效能絕對可以媲美 Firefox。

IE 繁體簡體轉換
size: 206KB
http://www.zshare.net/download/20092302a6463bdb/

大大大感冒......

上兩個星期開始就覺得非常不適，時不時喉嚨都覺得有好多痰，又無故打噴嗤。果然，三日後就出事了。燒了兩三日，吃了個多星期的藥 !!

不過，最不幸是令家中所有人都染了感冒，好的是家人的抵抗力比我強得多，他們病了兩三天就痊癒，我就病到近幾日才慢慢好轉。

唉，做左兩個星期的病人。

PK

2008年10月6日星期一

文雀 x 青苔 x Ironman

正所謂打風唔成三日雨，古人的傳統智慧真係唔可以睇小。上星期六日本來 plan 好出去玩，點知個天唔鐘意我，搞到無所事事之下係屋企煲dvd。兩日睇左三套片，分別係文雀、青苔同Ironman。

故仔黎講，好坦白，呢套文雀真係好無聊，成套戲對白唔知有無一張A4紙呢 ?四個傻佬唔知點解為左個唔知乜頭乜路的大陸女人去同個有勢力的老江湖鬥。講真，除左開頭五分鐘疑似警訊案件重現比較有趣外，其餘時間都係時不時望住條 progress bar 諗緊幾時完。可能係我無文化同人無乜點讀書，真係唔識欣賞片入面的 dance、music，鏡頭技巧同老香港情懷。Finally，有一樣野想講，阿杜 sir 唔知可唔可以發掘下或者試下用其他人呢，好似上次跟蹤的徐子珊咁，呢套片D人係黑社會、PTU、CIB都係果幾個，好悶下姐。

內容的話青苔就真係無乜新意，又係黑社會+警察+妓女+污鼠。當然同文雀去比較，青苔的故事好睇好多。原本諗住同屋企人一齊睇的，但屋企人鐘意睇電視，所以就自己一個係電腦睇，不過真係好彩，估唔到一開始就有露點+sex。睇完後我就覺得果幕真係有需要嗎 ? 不過，話分兩頭，如果露點+sex係由女角冼色麗去演又唔同講法。 XDDD

睇完青苔之後去 google search 下人地 comments，見有位影評人話青苔上畫八日只收一百萬，但同期老外電影八日已過二千幾萬，位影評人仲話入去睇果陣三十蚊就已經包全場，香港電影......

除左 X-men、spiderman、batman 外，Marvel 其他superheroes 其實我唔係太熟，就好似 Ironman，我之前就末聽過成者見過。Heroes 片最好睇就係主角由 normal 到 super 之間的 discovery 過程，而 Ironman 整套戲剛剛大部份時間都有 cover 到。以娛樂商業片黎講，呢套的確幾成功，希望第二集加埋美國隊長會更好睇啦。

總結上個月...

上個月寫的東西比起七、八月明顯少了好多。一來太多工作要處理，二來我最喜愛的美劇又強勢回歸。自從上個月尾開始，美國逢星期二播出 House S5、Prison Break S3、Heroes S3，加上明珠又做 House S2+S3，令我每晚返到屋企吃完晚飯後，淨係睇美劇同睇書都已經成十二、一點了。唉，寫下寫下，諗返起呢兩個星期晚晚煲劇，真係好浪費時間，但，唔睇又唔得。